ILOILO CITY – Naguwa na ang resulta sa autopsy sa bangkay nanday Richard Prevendido kag anak sini nga si Jason Prevendido matapos napatay sang mga pulis sang ginserbehan sang warrant of arrest sang Biernes sang gab-i.
Base sa resulta sang autopsy, ginpahayag ni Dr. Owen Libaquen sang PNP Crime Laboratory nga lunsay patal nga pilas ang naagum sang mag-amay nga nagresulta sa ila kamatayon.
Suno kay Libaquen nga sa bahin ni Richard Prevendido, apat ka pilas ang naagum sini kon sa diin duha sa ulo, isa sa dughan kag isa sa tiyan kon sa diin naigo man ang vital organs sa lawas kasubong sang baga kag atay.
Samtang ang kay Jason Prevendido ang may igo man sa dughan kag iban nga bahin sang lawas.
Positibo naman sa powder nitrate si Richard Prevendido nga patimaan nga nagpalupok ini sang iya armas samtang negatibo naman sa pulbura ang iya bata.
