Autopsy result sang 15-anyus nga dalagita nga nasapwan nga naga-utaw-utaw sa suba sa banwa sang Dingle, ginpaguha na

1214

Daw halos indi na matumod ang gindangatan sang 15-anyus nga dalagita nga nasapwan nga naga-utaw-utaw sa sapa nga sakop sang Brgy Camambugan, Dingle, Iloilo ang tinalikdan nga sabado, Nobyembre 11.

Base sa resulta sang autopsy, ginpatpat ni Medico legal officer Dr. Owen Libaquin ang gindangatan sang bata.

Ginsling sini nga base sa iya pag-analisar, makit-an ang banog sa nawala nga bahin sang ulo sang dalagita nga tuga sang paglampos ukon pagkabunggo sini sa matig-a nga butang.

Iya man nakit-an ang pagsulong sang dugo sa leog sang dalagita nga suno sa iya, posible ginkuga.

Samtang ginsiling man sini nga indi na matumod kon ini ang ginhimuslan bangud wala na ang kinatawo sang dalagita bangud posible ginkaon na sang mga sapat-sapat sa suba.

Nahibaluan nga nasapwan ang dalagita nga wala na sang undergarments ukon panapton sa idalom nga bahin sang lawas sini.

Una na nga nagpahayag ang pamilya nga posible ginhimuslan man ang dalagita antes nasapwan nga patay

Facebook Comments