Ginpreparahan gid ni Karl Phillip Lumio Avillo ang Physician Board Exam.
Ini ang pahayag ni Avilllo matapos nagpangatlo sa September 2017 Physician Licensure Examination nga ginhatag sang Professional Regulation Commission (PRC) Board of Medicine subong nga September 2017 sa Manila, Baguio, Cebu kag Davao.
Sa interview sang RMN Iloilo, ginpahayag ni Avillo nga apisar naghalin pa siya sa Lucena, Quezon, ginpili niya nga mag-eskwela sa West Visayas State University bangud barato ang tuition kag manami ang pagtudlo.
“Kay sang time nga mag-eswkela ko medschool, wala gid ko ya budget. Nakita ko ang WVSU nga daw barato lang ang medschool kag nami ang ila pagtudlo sa mga estudyante. Kay nakita ko ang WVSU ara gid sa topschool sa medicine sa sulod gid sang 5 ka tuig.”
Suno pa kay Avillo, indi man magpa-ulihi sa mga pasinawan ang WVSU bangud masami ini nagakadala sa top 10 sa mga board examinations. Nahibaluan nga pamilya sang mga doktor ang pamilya ni Avillo kon sa diin, doktor ang iya tiyo, ang utod sini kag ang iya pakaisa.
Pahayag sini, ginpreparahan gid niya ang pagkuha sang exam rason nga nagpangibabaw ini.
“Ang akon mahambal nga ginpreparahan ko gid na siya.”
Luyag naman ni Karl Phillip Lumio Avillo padayunon ang Neurosurgery kag magserbisyo sa Iloilo ukon sa Aklan.
Panugyan naman ni Avillo sa mga pamatan-on, dapat sundon gid ang luyag nila sa kabuhi bisan ano pa ini kabudla.
