Dapat mag-umpisa sa kaugalingon ang away kontra vandalism.
Ini ang mensahe ni mayor Jose Espinosa III sa mga tumalambong sang launching sang Ilonggo kontra vandalismo sang damlag lang.
Suno kay Espinosa dapat manindugan ang tanan kag ipahangop sa iban ang halit sang vandalism sa atun palibot.
Pahayag sang alkalde nga kun kita nalaw-awayan magtulok sang mga kuris sang pinta sa pader ano pa gid ayhan ang panan-awan sang mag bisita.
Dapat tandaan sang mga nagahimo sang vandalism nga pagguba ini sa matahum sang palibot kag propedad sang iban.
Plano sang syudad nga magpatindog sang vandal walls agud diri makaputwas sang ila mga vandals kag talent sa pagpinta ang mga kabataan.
Ang Ilonggo kontra vandalism, kahublagan sang syudad kag Iloilo city police office agud mangin aktibo ang mga ilonggo sa pagtapna sang vandalism.
