Davao City- Kasong murder ang ipasaka batok sa inmate nga nakadunggab-patay sa kaubanan niining piniriso sulod sa Davao City Jail niadtong adlawng Martes.
Sa interbyu sa RMN Davao kang Bureau of Jail Management and Penology Davao Region spokesperson Pio Rosero, nasayran nga personal nga bangi ang gilantaw karon nga motibo sa pagdunggab-patay sa suspek nga si Rodel Cequina kang Adrian Santisteban.
Sa gihimong imbestigasyon sa BJMP XI nasayran nga walay nahitabong gubot o away una pa man nahitabo ang insidente.
Matud ni Rosero nga pasado alas 11 sa buntag nagbaktas kining biktima sulod sa Davao City Jail Annex sa dihang kalit kining gidunggab sa suspek sa nagkadaiyang parte sa lawas niini.
Nakita sa crime scene ang usa ka improvised bladed weapon nga maoy gigamit sa suspek sa pagdunggab kang Santisteban.
Dead on arrival na ang biktima pagabot sa Southern Philippines Medical Center.
Segun ni Rosero adunay kasong murder nga giatubang ang suspek ug laing murder case ang isang-at sa pamilya sa biktima batok kang Cequina.
Gihaya karon sa St. Peter ang patayng lawas ni Santisteban.
Kasamang Aimee Guinita
