General Santos City—Nahagbong na sa rido ang awayan sa duha ka grupo MILF sa Maitum, Sarangani Province.
Sumala ni Police Sr. Inspector Rodel Javison, Hepe sa Maitum Municipal Police Station nga nag binaslanay na ang grupo ni Kapitan Kalib sa Barangay Molol ug Kumander Bunde Binago.
Nasayran human sa nahitabo sa pagpang-ambush sa grupo ni Kapitan Kalib niadtong nakalabayng bulan, nga gikamatay ni Barangay Kagawad Randy Macatil ug Amado Pinki sa may Barangay Tuanadato diin gitudlong suspek ang grupo ni Kumander Binago laing panag engkwentro na usab ang nahitabo sa Barangay Molol nga gikamatay sa usa ka biktima.
Dugang pagbutyag ni PSI Javison nga ang pinakauwahing engkwentro sa duha ka grupo nahitabo sa boundary na nga bahin sa Maitum ug Palimbang Sultan Kudarat.
Mukabat sa 30 kilometros ang gilay-on niini gikan sa sentrong bahin sa lungsod. Gipaniguro ni Javison nga dili mukatag sa ubang barangay ang away sa duha ka grupo sa MNLF tungod ila gyud kining paningkamutan nga dili na muluntad ug dugay ang away sa duha ka mga grupo.
