General Santos City—Samdan sa iyang tuo nga kilid nga bahin ang usa ka ginang nga nailang si Ellen Umandan, legal age, nga taga Purok Paradise, Barangay Tambler, Gensan human gidunggab sa iyang silingan nga si Mary Grace Samonte, legal age, residenti sa samang lugar alas 10:00 ang takna sa buntag.
Subay sa blotter sa PoliceSattion 5 nag-ugat ang away sa duha ka ginang gumikan sa ilang mga anak.
Nagkalalis ang mga nasampit nga misangko sa pagpanunggab. Paspas nga gidala sa Gensan Medical Center ang biktima samtang ang suspetsadong ginang misibat human sa insidenti.
Sa karon nagpahigayon pa ug imbistigasyon ang kapulisan bahin sa insidenti samtang guhuwat pa ang desisyon sa pamilya sa biktima kung mopasang-at ug kaso batok sa suspek.
Nasayran nga anaa sa talandugong kahimtang ang biktima sa balay tanbalanan.
