General Santos City—Midangop sa buhatan sa Police Station 3 ang uas ka negusyante ug Faculty Staff sa usa ka tunghaan sa Gensan nga si Eleseo barber, 56 anyos aron sa pagreport sa nahitabong pagkawat sa duha ka mgma suspetsadong nakamotorsiklo sa bag nga iyaha sa iyang asawa nga adunay unod nga dakong kantidad sa kwarta.
Basi sa sumbong sa biktima ngadto sa kapulisan sila anaa sa may caparida Street atubangan sa may Daniela Food house, ilang gi-unload matud pa ang karga sa ilang sakyanan nga mga produkto sa ilang negusyo.
Dihang nibalik na sila sa ilang sakyanan, didto na nila namatikdan nga nawagtang na ang ilang duha ka bag nga adunay sulod nga P380,000.00, ATM ug mga credit cards.
Sa gihimong pagsuta sa kapulisan ngadto sa CCTV nga nakainstall sa mga establishemento sa lugar, nakita sa footage ang duha ka mga lalaking naka motorsiklo kansa miduol sa sakyanan ug gikuha ang duha ka bag sa mga biktima.
Sa karon naghimo na ug makuting imbistigasyon ang kapulisan kalabutan sa maong insidenti.
