Ginbakbak ang balay ni Mayor Jojo de Paula sa Janiuay, Iloilo. Ini kasunod sang pagkinasuhay sang pamilya de Paula kag sang pamilya ni former Mayor Frankie Locsin angot sa ila gina-agawan nga lupa sa banwa sang Janiuay . Sa interview sang RMN Iloilo , ginpahayag ni de Paula nga naghalin sa Municipal Trial Court ang mandu agud i-demolish ang balay nga ginapanag-iyahan sang iya tiyo. Suno kay de Paula , ancestral house nila ini kag diri man siya naga-istar gani apektado man siya sa demolisyon. Ginpahayag ni de Paula nga wala na siya sang may mahimo sa nasambit nga mandu kag iya na lang ginabaton ang pagdemolish sang ila ancestral house. Suno pa sa iya nga wala naman sang dapat kabalak-an ang mga nagasuporta sa iya bangud maga-estar ini sa balay sang iya utod sa Tambal, Janiuay. Naglahog man si de Paula nga indi problema ang ilistaran tungod duha lang ka oras ang iya tulog kag masako ini sa pagserbisyo sa iya banwa. Tags: Visayas, DYRI774, DYRI, Iloilo, RMN Iloilo
