BINALBAGAN, NEGROS OCCIDENTAL – Lunsay ginpangdala sa ospital ang duha ka mga lalaki matapos ini sila ang nabun—an kag nalab-an kagab-i sa Brgy. San Jose, banwa sang Binalbagan.
Ini sila ginkilala nga sanday Joenel Luna, 48 anyos, kasado kag si Jamilo Alisbo, 42 anyos, lunsay pumuluyo sag Purok Alimango, Brgy. San Jose, Binalbagan.
Suno kay Luna nga may mga las 9 kagab-i, iya ginsaway ang iya utod nga babayi nga nagalalisay sa ila kaingud nga babayi.
Apang nakibot na lamang ang biktima sang ini ang ginbuno ni Alisbo kon diin naigo ini sa iya wala nga abaga, lapos sa idalum sang iya ilok kag igo pa gid sa wala nga kilid sang tiyan.
Pahayag ni Luna nga nakabalos man siya labo kay Alisbo bangud sang amo nga tiempo may bitbit ini nga espading.
Naigo naman sa iya wala nga guya kag ulo si Alisbo subong man ginbuno pa gid ini sa iya likod.
Sa karon ang duha nagapahuway-huway pa sa Regional Hospital./DYHB BACOLOD
