‘Zero crime incidence’ gitinguha sa Palarong Pambansa

28

Davao City – Buot makab-ot sa mga otoridad sa Davao City ang zero crime incidence atol sa ipahigayong Palarong Pambansa 2019 sugod karong April 27 kutob May 4, 2019.

Sa AFP-PNP presser, gibutyag ni Public Safety and Security Command Center (PSSCC) deputy head Angel Sumagaysay nga tumong sa ilahang security plan mao ang walay matalang kakulian sa maong paugnat sa kusog.


Subay niini, giingon sa hepe nga full force na ang deployment gikan sa kapulisan, kasundaluhan ug uban pang security forces sa mga billeting quarters, playing venues ug uban pang lugar sa dakbayan aron mapaniguro ang kaluwasan sa mga delegado.

Sa pikas bahin, nagpahinumdom usab ang Department of Education kun DepEd XI nga sundon ang mga ordinansa nga ginapatuman sa syudad gumikan dili exempted ang mga delegado niini bisan pa man ang mga bisita angay masayod sa mga balaod dinhi sa dakbayan.

RadyoMaN Renz Barbarona

Facebook Comments

From Advertisers