Usa ang kompermadong patay samtang usa angol human ang pagpamusil sa Prk 8, Brgy. Poblacion, Alabel Sarangani Province. Giila ang biktima nga si Alejandro Yatot, 23, mananagat, residenti sa Alabel, Sarangani.
Gibutyag ni Kapitan Herculano Kuling Lacaba sa Brgy. Poblacion, ang biktima ang nisulod sa videokehan kauban si Jonathan Brucoy, 32, operator sa bangka, ug residenti sa Prk 2 Ladol Alabel. Apan nagsige matud pag pangayo og ilimnon ang mga nasampit sa pikas nga lamesa kon asa usa ka grupo ang nag-inom.
Gikairita kini sa mga nag inum sa pikas lamesa nga misangko sa paghagitay og nagsinumbagay gawas sa videokehan. Sumala pa ni Anita Dalama, kapuyo ni Brukoy nga gisumbag sa biktimang si Alejandro Yatot og giulang sa iyang kapuyo nga si Brucoy.
Apan gidunggab ang bana niini sa suspek og gipusil usab si Alejandro Yatot duha ka higayon igo sa iyahang ulo nga hinungdan sa hinanaling kamatayon.
Sumala pa sa testigo nga si alyas Jomar, giduolan pa sa suspek ang biktima og gitiwasan pa sa pagpusil mao nga namatay. misibat usab gilayon gikan sa lugar ang mamumuno kauban ang duha ka kainom sa wala matinong diriksiyon.
Gikabutyag nga mga hubog nang daan ang tulo ka suspek og mga kauban dihang nagsulod sa videokehan. Pagkakaron nagpabilin panggiobserbahan sa ospital sa General Santos si Brucoy human nga naduggaban sa kilid sa tiyan nga bahin. (Ray Sabillo)
