Patay ang usa ka kanhi pulis sa Station 6 sa Mandaue City Police Office human gipusil sa riding in tandem sa Riverside utlanan sa Barangay Cabancalan ug Canduman sa dakbayan sa Mandaue alas 9:20 kaganinang buntag .
Ang biktima nailhan nga si SPO1 Rey Manatad kanhi pulis nga nag-AWOL sa serbisyo sukad niadtong 2016 .
Matud sa MCPO Station 6 chief , P/Sr Ins. Raymundo Enriquez Jr si Manatad kanhi naasign sa ilang presinto apan gibalhin ngadto sa Mandaue City Police Office .
Apan dihang usa kini sa nagpositibo sa surprise drug test sa kapolisan , wa na kini nireport sa duty. .
Si Manatad nagtrabaho na karon isip Security Agency Inspector ug nagpuyo sa Barangay Cubacub sa dakbayan sa Mandaue .
Matud ni Enriquez si Manatad adunay samad sa iyang ulo ug ubang bahin sa lawas ug nahurot gyud ang tanang bala sa kalibri 45 nga armas.
Ang mga suspek nagsul-ob ug full-faced helmet ug nagbonnet atol sa pagpusil ni Manatad.
