BACARRA, Ilocos Norte – Maysa a programa iti sibubukel nga Sangguniang Kabataan ti Bacarra nga maawag iti ‘Awrahan at Bigayan, bisitahin Tara-Tara’ open house ukay-ukay selling ket nangrugin idi Agosto 1, 2018 idiay Bacarra Plaza.
Daytoy a pasken ket mangbiyag iti pannakimaysa iti sibubukel a Bacarra gapuna ta nakipaset iti nadumaduma nga online sellers ken kasta met iti natulong nga tattao nga nangted iti Balikbayan boxes nga napnuan iti pre-loved clothes.
Manipud alas nuebe iti bigat inggana’t alas syete iti rabii ket adun ti napan bimmisita ken naggatang.
Kasta met a inpaay dagiti Amma iti ili iti suporta da kadaytoy nga programa babaen iti inda inanayon nga panagbisita ken panangpaay iti pammagbaga.
Daytoy nga aramid ket nangrugi idi August 1, 2018 ket agleppas inton August 10, 2018.
Ngarud, maallukoy pay dagiti sabali pay nga sellers tapnun maartap iti arapaap nga mapunno diay lugar nga paglakwan ken kasta met nga umado pay iti maited a tulong iti Sitio, Tara-tara.
