Awto nakabunggo sa balay kag kahoy sa syudad sang Bago, duha patay, apat samaron

Duha ang patay, apat nasamaran sang aksidente nga nakabunggo sa isa ka balay kag kahoy ang awto nga ila ginasakyan las 10:55 kagab-I sa Purok Mainugyunon, Brgy. Napoles, Bago City.

Suno sa record sang Bago City Police Station, ang mga napatay ginkilala nga sanday Ronald Sudoy, legal ang edad, pumuluyo sang Brgy. Calumangan kag Jomarie Odane, 38 anyos, pumuluyo sang Brgy. Napoles.

Sandig sa record sang pulis, ang mga nasamaran amo sanday Raffy Jalea, Jojet Quilantang, Rommel Jalea kag Judy Abello, samtang ang driver naman sang awto ginkilala kay Joseph Bagatela, 42 anyos, pumuluyo sang Brgy. Villamonte, Bacolod City.


Base sa imbestigasyon sang Bago CPS, ang salakyan nagadalagan sa west nga direksyon halin sa east apang nadulaan sang control ang driver gani ini ang una nga nagbunggo sa isa ka balay kag sang ulihi nagbunggo pa gid sa kahoy nga Mahogany.

Pahayag sang pulis nga gindala pa ang mga biktima sa Bago City Hospital apang duha sa ila ang gin-declare nga dead on arrival.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments