Dili lang sa Semana Santa masinati ang divine intervention sa Ginoo kundi sa bisan unsang panahon base sa gipa-ambit nga kasinatian ni Police Officer 3 (PO3) Anthony Echin kinsa na-asign sa Police Regional Office (PRO-XI), kanhi pastor ug karon usa ka lay-evangelist sa Seven Adventist (Sabadista).
Sumala ni PO3 Echin, dili pa lang dugay iyang nasinati ang kaayo sa Diyos sa bag-o pa lamang natapos nga Ironman sa syudad sa Davao tungod kay gipakita sa Diyos ang iyang kabubut-on sa dihang gibalibaran sa iyang team leader ang iyang pag-apil sa rehearsal nianang adlaw nga Sabado apan sa dihang iyang gipasabot sa kinaulahian misugot na ang iyang labaw. Siya nagtoo nga ang naghimo niini mao ang Ginoo tungod sa iyang dakong pagsalig.
Gipasabot usab ni PO3 Echin nga ang tawo dunay limitasyon hinungdang mosalig kita sa Ginoo tungod kay siya man ang labing nasayud sa tanan tungod kay siya man ang gamhanan ug ang kinabuhi sa kalibutan lumalabay lamang. Giingon pa ni Police Officer 3 Echin isip awtoridad, kanunay siyang nagasalig sa Diyos tungod kay dili lalim ang ilang trabaho isip serbisyo publiko.
Pinaagi niini iyang ginahagit usab ang iyang mga kaubanang police ug uban pa nga kanunay isalig sa labing makagagahum ang tanang mga gimbuhaton aron dili mopadulong sa kinabuhi nga walay Ginoo.
RadyoMaN Bernard Pantallon
