Roxas City, Capiz- Ginkumpirmar sang pamunoan sang Provincial Social Welfare and Development Office(PSWDO) nga magamay na lamang nga numero sang mga “Iskolar sang Capiz” ang wala makakuha sang ila assistance balor isa ka libo ka pesos.
Suno kay PSWDO head Mrs. Maria Barnes ang nasambitan nga pagrelease sang educational assistance ang para sa senior high school nga naga-eskwela sa nagkatuhay nga buluthoan sa syudad sang Roxas.
Suno pa diri nga masobra na sa 1,800 ang nakakuha sang assistance matapos ang distribution sang nakaligad nga Hulyo 17 tubtob 19, 2018.
Ginpahayag dugang ni Barnes nga ang nabilin na lamang nga gina-interview kag gina-releasan ang mga kulang ang requirements.
Nahibaluan nga ang nasambitan nga programa ang ginpainan sang pondo sang provincial government pinaage sa Gender and Development Office(GAD) kag Provincial Social Welfare and Development Office(PSWDO) nga nagalab-ot sa P2-million pesos.
