Davao City – Magpadayon ang pay out sa Tulong Panghanapbuhay sa Ating Disadvantaged/Displaced Workers (Tupad) program alang sa mga Public Utility Jeepney kun PUJ drivers karong adlawa, May 15, 2020 dinhi sa Davao City.
Sa pakighinabi sa DXDC RMN Davao kang Public Employment Service Office kun PESO-Davao City manager Lilibeth D. Pantinople, gisugdan nila kagahapon ang pay out ug karong adlawa, dunay schedule sa pay out sa Mintal Gym, Toril ug Almendras Gym.
Matud ni Pantinople nga mapasalamaton ang mga drivers sa ayuda nga ilang nadawat.
“Actually dako ilang (PUJ drivers) pasalamat kay dako kaayo ning help (TUPAD) para sa ilang pamilya, makapalit sila og mga pagkaon, gatas sa ilang mga bata. Big help pud ni siya kay ang SAP P6,000 lang, ang sa TUPAD P11, 880,” segun ni Pantinople.
Sa karon wala pay abiso gikan sa gobyerno og aduna bay lain pang ayuda nga itunol karong ipailawom na sa General Community Quarantine ang Davao City.
RadyoMaN Renz Barbarona
