Taliwala sa padayung bangi sa magsuong Amante sa Agusan del Norte, wala mapugngi ang paglingkod ni Chief Inspector Rennel Serrano isip hepe sa Cabadbaran kinsa naila nga suod ni Buenavista Mayor Norbert Pagaspas nga kaalyado ni Governor Angel Amante.
Si Governor Angel Amante, adunay dakong bangi sa iyang igsuoon si Congressman Erlpe John Amante nga gikatahong partner ni Mayor Kat Mortola sa Cabadbaran City.
Apan sa interview, gipahayag ni Major Serrano kinsa kanhi Spokesman sa PRO 13 nga iyang appointment wala kini political backing.
Igo lamang sumala pa siya nagtuman sa order nga iyang nadawat gikan kang Sr Supt Ernesto Tendero, Provincial Director sa Agusan del Norte.
Sumala pa ni Serrano nga nasayud siya sa bangi sa magsuon, ug isip opisyal sa PNP iyang paningkamutan nga mamahimong neutral sa pag-implementar sa balaod.
Angay masayran nga ang Cabadbaran naila sa bansag nga “ KALAS UG HEPE”, buot ipasabot walay hepe magdugay gumikan kay maipit sa bangi sa mag-suon.
Usa sa mga hepe nga nagdugay sa Cabadbaran, mao si Major Gleen Sampaga ang gipulihan ni Serrano.
Usa ka turn-over of Command Ceremony ang gihimo alas noybe karong buntag didto na sa Cabadbaran City Police Station.
Diin pormal nang mokanaug sa pwesto isip Officer In-Charge sa Cabadbaran City Police Station si Major Sampaga nga hulipan ni Major Serrano ang Regional Information Officer sa Police Regional Office 13 Caraga.
Pamahayag ni PCI. Rennel Serrano nga si Major Sampaga ang mabalhin sa region kinsa kasamtangang nagpaabot usab sa iyang promotion.
