Davao city – Gipabantay sa Kapulisan sa Sasa ang publiko kun ang katawhan
sa bag-ong modus operandi sa mga mangigilad aron dili mabiktima.
Kini usa ka Charry Wilson, 43 anyos, dalaga, negosyante, ug residente sa
Ipil-Ipil Street, De guzman Village, Kilometer 12 Sasa ang midangop sa
Presinto 4 nga siya nabiktima sa mga mangingilad.
Gisaysay ni Wilson nga bandang alas-3:00 sa kahaponon adunay duha ka lalaki
kinsa nagpaila nga konektado sa usa ka telecommunication company ug
nagtanyag og serbisyo mao gipasulod sila sa iyang balay.
Segun ni Wilson nga nangutana pa ang duha kun naga gamit ba kini og modem
wifi sa ilang kumpanya kay aduna sila’y idugang nga MB sa iyang wifi ugali
subscriber ang biktima busa mitubag kini nga anaa.
Dugang sa negosyante nga samtang nakapahiluna og lingkod ang mga suspek
miadto una kini kadali sa kusina aron magluto ug human sa 20 ka minutos
mibalik kini og adto sa sala apan wala na ang duha.
Gidala matud pa sa duha ang iyang modem wifi nga walay pagpananghid kaniya
ug gisuwayan pa og gukod sa biktima ang mga suspek apan wala na niya kini
maapsi.
Nagtoo ang kapulisan sa Sasa nga modus operandi kadto sa mga suspek nga
magpatoo nga konektado sa telecommunication aron makabiktima sa ilang
target.
Naglusad na karon og pagpanubay ang kapulisan labot sa mao nga insidente
uban sa pahimangno sa publiko nga dili magpadala sa tam-is nga istorya sa
mga mangingilad aron dili mabiktima.
RadyoMaN Joel Viray
