Davao City- Nagkurog pa sa kahadlok samtang nag antos sa kahapdos sa samad human dunggaba sa mga tulisan ang usa sa duha ka biktimang dalaga sa robbery-holdup alas dose pasado kagabii.
Giendorso sa Talomo Police Station ang mga biktima nga sila si Jane Antonio Guzon, 18 anyos ug Monaliza Satorina Cortez, 18 anyos nga taga Matina ning syudad sa Davao.
Sumala sa mga biktima, samtang nagpaabot ug masakyan sa dalan atubangan sa Matina Central Elementary School kalit lamang nga dunay tulo ka mga lalake nga nakamotorsiklo ang mitulis kanila.
Miduol ang duha ka backrider nga armado ug icepick ug kalit lamang nga gibunlot ang gigunitang cellphone ni Monaliza Cortes ug dayong luba sa biktima nga naigo sa iyang walang bukton.
Human matangag sa mga tulisan ang celpon sa biktima daling mipabulhot sa ilang motorsiklo ang mga suspetsado padung sa Barangay Matina Aplaya.
Kahinumduman nga sagunson na ang pagpanulis sa area of responsiblity sa Talomo kansang responsable kining tulo ka mga suspek nga magsakay ug motorsiklo.
Kasamang Erin Lumosbog
