*photo: Irma Boza
Wala nay kinabuhi nga napalgan sa usa ka trisikad driver ang usa ka babae kaganinang hapon sa usa ka karaang balay sa 11th ug 12 street 542 Barangay Palao ning syudad sa Iligan.
Biktima nailang si Laling Labasano, 59 anyos, ug taga Purok 7 sakop sa maong Barangay.
Sumala sa ka live-in niini, nga ulahing nakita ang biktima niadtong biyernes human nga gikaingong nangawat kini ug manok sa may Purok 7 sakop sa maong lugar.
Dugang pa niini, nga gumikan sa kaulaw, wala kini mipauli sa ilang balay ug didto na matulog ilalum sa maong balay sa may 542 Pala-o.
Kahinumduman, nga niadtong Dominggo, mibundak ang kusog nga ulan ug posibleng nakatulog kini sa kahubog ug nalumos.
Matud usab sa SOCO, nga walay nakitang samad o bun-og sa lawas ang biktima. (Irma Boza)
