Kasamtangang nagapaalim na karon sa Southern Philippines Medical Center (SPMC) si Rebecca Acasu Lungay kinsa nabanggaan sa motorsiklong gimaneho sa usa ka Randy Pelari human giingong nitabok sa pedestrian lane sa Quimpo Boulevard, Davao City, October 7, 2023.
Sa interview sa DXDC RMN Davao kang San Pedro Police Station Commander, Police Major Marvin Hugos, gibutyag niini nga kung dili magka aregalo ang duha ka kampo, posibleng mapasakan og kasong Reckless Imprudence Resulting to Physical Injury si Pelari.
Nigula usab sa inisyal nga imbestigasyon sa San Pedro PNP nga kalit lang mitabok ang biktima apan matud pa wala kini niagi sa pedestrian lane hinungdan nga siya nabanggaan ug sa kakusog sa impact, nalamba kini sa semento sa kalsada.
Sa pagkakaron, padayon pang ginatambalan sa SPMC si Lungay aron ma-monitor ang kahimtang human siya nakaangkon og mga samad ug bun-og sa kalawasan.
RadyoMaN Don Pulayao
Facebook Comments
