Detinado karon sa Tagoloan Municipal Police Station ang 37 anyos nga si Maria Jojie Antoinette Suello, nga taga-Zone 6, Tin-ao, Brgy. Agusan ning dakbayan, human kini nasapong nagpataya sa illegal nga swertres sa Zone-7, Sihayun, Sta. Cruz, Tagoloan, Mis. Or.
Nasikop ang maong ginang pinaagi sa joint operation sa Tagoloan PNP nga giunhan ni Police Chief Insp. Albart Tare, ang acting chief of police ug sa Provincial Intelligence Branch nga giunhan ni Police Chief Insp. Esperidion Biado.
Nakuha gikan kang Suello ang lima ka stub nga adunay nagkalain laing bet number combination, tulo ka tag 1 hundred pesos nga kwarta, duha kabuok singko pesos nga coins, 20 ka tag peso nga sinsilyo ug usa ka ASUS nga celfone.
Sa karon ang tanang ebedensya ang anaa na sa buhatan sa Tagoloan Police Station.
By; Radyoman Aiza Enloran and Ellah Baculio
