Patay na nga nakit-an kagahapong adlawa ang 11 anyos nga batang lalaki, humannga malumos sa suba.
Biktima naila nga si Johncarl Banglos, Taga Manggahan, Barangay Balulang ning dakbayan.
Nasayran nga lima ka bata ang naligo sa suba, dihang gibadlong kini sa usa ka 15 anyos nga si Dexter nga ipapauli, tungod kay adlaw nga Biyernes ug gapanguha ang suba.
Apan wala nagpatuo ang mga bata ug iya na lang nakita ang biktima nga napadulong na sa lawom nga bahin, tungod sa paggukod niini sa bani ug hinayhinay na nga nalumos.
Tungod niini, giambakan dayun ni Dexter ang biktima aron luwason, apan dihang iya na kining nahawiran, gahi kini nga birahun tungod sa paglilo sa tubig.
Kini ang hinungdan nga nabuhian ni Dexter ang bata ug nalumos.
Alas dos kagahapon sa hapon, dihang nakita ang bata, pinaagi sa tabang sa Philippine Coastguard- Cagayan de Oro.
By; radyoman Aiza Enloran
