Davao City-Perting bun-oga sa nawng sa usa ka babaeng gikulata diin panawagan niya karon nga mapasakaan og kaso ug makulong ang iyang kauban nga lalaki sa trabaho human sumala pa gisipa kini, gituok, gilaparo ug gisumbag sulod sa ilang gitrabahuan sa usa ka establisemento dinhi sa syudad sa Davao.
Base sa nag viral nga post ni Alyas May2x sa facebook kagahapon diin asa nakuhaan og video ang maong pagpangulata, dugay na kuno naay dakong kasuko ang lalaki nga giilang si Ryan Ma sa iyaha tungod nakapasulod si Alyas May2x sa iyang kuya sa trabahuan ug sumala pa pasipsip kuno sila sa ilang amo.
Dugang sa post niini, igo lang siya mitubag sa pangutana sa iyang usa pa ka kauban sa trabaho apan kalit miduol ang lalaki ug giingnan ra sila og nagsige og tabi samtang gatrabaho, mitubag ang biktima nga nagatrabho gihapon sila apan wala napugngan sa lalaki ug didto na gikulata ang babae.
Sa karon, balhog na si Ryan Ma sa Sasa PNP ug gina-andam na ang kasong physical injury ug paglapas sa RA 9262 kun Anti-Violence Against Women and Their Children Act of 2004 batok sa suspek.
RadyoMaN Renz Barbarona
