Sa pakighinabi sa DXDC RMN Davao Jemaica Saldua, igsoon ni Justin Mae, gisaysay niini nga niadtong Agosto 28 sa dihang nagpahibalo kini nga muoli siya kay pahinumdom sa iyang anak nga mipanaw ug gimingaw na usab kini sa iyang tulo ka anak. Apan niadtong Agosto 29 sa hapon, ni-text kini nga pauli na siya ug dili na magpasundo, apan kadto na ang katapusan nga ilang na-contact si Justine Mae sa iyang number ug sa iyang social media account.
“Gusto nag ani kaayo to siya mouli kay gimingaw na to siya sa iyang anak unya pahinumdom lagi. Magpasundo pa gani unta to siya. Gi-contact na namo iyang amo. Nianhi gani to miaging gabii kay nabalaka pud sila kay wala pa kauli,” saysay sa igsoon.
Wala usay ideya ang ilang paryente ug higala ni Justine Mae sa Davao kung asa kini miadto, diin wala usab silay matumbok nga rason sa iyang pagkawala.
Sa mga nakakita kang Justine Mae, mamahimong i-contact kini nga mga numero: 0930-147-2966 or 0955-766-5538.
RadyoMaN Kirby Manzon
