Tingkagol sa selda sa presento singko ang usa ka babae ug usa ka lalaki human kini nasapon sa bana sa maong babae sulod sa usa ka pension house sa Barangay Tibanga ning dakbayan sa Iligan alas 6 kapin kun kulang ang takna kagabie.
Ang suspetsadong babae nailang si Jacqueline Labartini 32 anyos minyo, dunay duha ka anak ug mulopyo sa purok 4 Tipanoy ning syudad sa Iligan samtang ang gikakuyog niining lalaki nailang si John Michael Vincent Subay 27 anyos minyo ug molupyo usab sa nasangpit nga barangay kinsa ang asawa niini atoa nag trabaho sa gawas sa nasud.
Sumala pa, nga nasapon sa banang si Almer Labartini, usa ka pintor sa Palao Market ang iyang asawa pinaagi sa taho sa iyang silingan nga mikuyog sa maong lalaki ang iyang asawa.
Pinaagi sa pagpakitabang sa kapulisan sa presento 5, nasapon sa maong bana ang iyang asawa sa maong pension house.
Posibleng kasong adultery ang atubangon sa maong manag kabit gumikan sa maong insidente.
