Con man maridable nombrao como canda Mohammad Reza Ismael y Jacky Ismael ya sopla de tiro el unu del dos persona muntao na motor na Callejon Drive, Guiwan pasada alas 6 este noche.
Asegun estaba sila na trabajo na unu del maga agencia de gobierno y mientras muntao tambien sila na diila Honda CRF sportstype motorsiclo encamino para bolbe tiene ya lang otro motor ya sigui atras canila y de llegar na curvada camino adentro del Callejon Drive, el ancas ya repica de tiro canila usando 45 pistola.
El man maridable ya man balisacat na diila motor pero ya para el maga suspechao y el gunman ya atraca pa canila y ya continua tira.
Maga pulis recobri cuantos capsula y slug de calibre 45 pistola na lugar del incidente.
Facebook Comments
