Gibalhog na sa prisuhan ang usa ka babaeng negosyante nga nasikop sa kasong Estafa atol sa operasyong gipahigayon sa mga kapulisan pasado alas 6:05 sa buntag kagahapon didto sa Purok-2, Barangay Kisolon, Sumilao, Bukidnon.
Giila ang suspek nga si Jeenn Jalapan Pacamalan, 28 anyos, minyo, negosyante, ug residente sa Purok-5A, Laruk, Kisolon, Sumilao, Bukidnon.
Gipangunahan sa mga personahe sa Sumilao Municipal Police Station ang maong operasyon pinasikad sa warrant of arrest sa kasong Swindling kon Estafa nakadokit ilawom sa criminal case no. 2022-35-S nga gi-issue ni Jerlie Luis-Requerme, Presiding Judge, sa Regional Trial Court, 10th Judicial Region, 3rd Municipal-City Trial Court,pinitsahan Setyembre 6, 2022 nga adunay piyansang girekomenda sa P18,000.00 alang sa temporaryong kagawasan.
Gidetenar na sa Sumilao Municipal Police Station ang suspetsado alang sa tokmang disposasyon.
Facebook Comments
