South Cotabato- – malampusong nasikop sa Operatioba sa Kapulisan ang usa ka babaye samtang malampusong nakasibat ang live-in partner niini atol sa gihimong buy-bust operation sa Purok Forro Subdivision, Barangay GPS, Koronadal City.
Ang suspek nailang si Cathylyn Masampoloc, 32, residenti sa samang lugar. Malampuson usab nga nakasibat ang Live in partner niini nga si Eusebio Arcilla, residenti gihapons a maong lugar.
Alas 11:00 pasado ang takna, Myerkules, July 12, 2017 dihang gihimo ang buybust operation sa panimalay sa nahisgutang mga suspek kung asa malampusong napalitan ang mga nahisgutan ug shabu human mikagat sa paon sa kapulisan.
Sikop si Masampoloc samtang nakasibat usab si Arcilla human nga nakamatikod nga Police ang ilang nakatransaksyon.
Narekober gikan sa posisyon sa mga suspek ang (3) ka sachet sa gituohang shabu, (21) ka empty sachet nga duna pay Resedue sa gikatahapang shabu, drug paraphernalia ug P500 nga marked money.
Kasong paglapas sa RA 9165 ang atubangon sa nahisgutang suspek samtang apil usab nga kasuhan ang kapuyo niini nga nakasibat.
tags: Koronadal City, Koronadal City Police Office, South Cotabato PNP, South Cotabato, Rmn Gensan, Dxmd, Rose Sioco, Inah Daven, Bryan OƱate
