General Santos City—Samdan ang aping sa usa ka babayer nga itago lang sa pangalang alias Sofie, legal age, residenti sa Barangay Bula, Gensan human gilaparo ug botelya sa usa usab ka babaye nga itago lang sa pangalang alias Hazel nga taga Barangay Tambler, Gensan.
Subay sa report, nag inum matud pa ang biktima uban sa iyang mga barkada sa usa ka imnanan sa barangay Bula apan kalit lang matud pang miduol ang suspek dayon gikuha ang usa ka botelya sa ilimnong makahubog sa lamesa dayon maoy gibunal sa nawong sa biktima.
Tungod sa kakusog sa pagbunal nabuak ang botelya maong nasamad ang biktima.
Nadakpan man ang suspek ug anaa na karon sa kustudiya sa kapulisan, samtang ang biktima naka-confine karon sa Dr. Jorge Royeca Hospital.
Facebook Comments
