BACOLOD CITY – Lovers sadto, enemy na karon. Ini ang natabo sa isa ka babayi nga ginbuno sang iya ex-boyfriend kagab-i sa Goldenfield Commercial Complez, Brgy. Singcang Airport, Bacolod City.
Ang biktima nga ginahinago lang ang pangalan, 24 anyos ang edad kag pumuluyo sang Celine Homes, Fortune Town, Brgy. Estefania ciudad sang Bacolod.
Suno sa pagpangusisa sang pulis, natabo ang insidente may mga las 11:30 kagab-i kon diin sa wala matumod nga rason, ginbuno ini sang iya ginasiling ex-boyfriend.
Ang biktima nag-angkon sang igo sa iya wala nga paa kag dali-dali nga gindala sa Corazon Locsin Montelibano Memorial Regional Hospital./dyHB BACOLOD
Facebook Comments
