Pagadian City – Daling naglusad og hot pursuit operation ang element sa kapulisan human sa nahitabong pagpamusil alas 06:40 kagabii sa Purok Sandayong, Brgy. Sto.Nino ning syudad sa Pagadian City.
Paspas nga gidala sa balay tambalanan ang biktima nga si Joraldine Berondo Simbajon, 26 -anyos, bulag sa bana apan dunay ka live-in partner og residente sa Purok Antipolo, Banale, Pagadian City.
Sa inisyal nga imbestigasyon nasayran nga samtang sakay sa motorsiklo ang biktima uban ang iyang kalive-in partner nga si Yahaya Apakil Datumaas byahe gikan sa Agora Public Market paingon sa ilang pinuy-anan apan pah-abot sa suna-op nga bahin sa Purok Sandayong, Brgy. Sto. Niño kalit nga niharang sa dalan ang duha ka suspek og walay langan nga gipusil ang biktima.
Igo ang dughan sa biktiman hinungdan nga daling gidala sa pinakaduol nga ospital apan gideklara nga dead on arrival human sa panghitabo nisabat ang mga suspek sa sakay sa Suzuki Raider 150 paingon sa Brgy. Banale ning dakbayan.
Nakuha sa dapit nahitabuan ang upat ka basiyo sa calibre 45 nga pistola.
Gitoohan nga dunay kalabutan sa love triagle ang motibo sa maong insidente.
