Dali nga gidala sa balay tambalanan ang biktima sa pagpanigbas nahitabo didto sa Sitio Paduan, brgy. Candiz, lungsod sa Siocon, ning atong probinsya sa Zamboanga del norte niadtong nakalabayng adlaw.
Naila ang biktima nga si Angelita Fabillar Goon, 38 anyos, bulag sa bana, nagpuyo sa nahisgutan nga barangay.
Ang biktima gitigbas kini sa iyang igsuon nga naila si Rizalino Fabillar Goon, 31 anyos, ulitawo.
Ang biktima nakaangkon kini ug ug samad tinigbasan sa iyang tangkogo hinungdan nga dali kining gidala sa balay tambalanan alang na usab sa iyang hinanaling medikasyon.
Samtang ang suspek niini malampuson nga naaresto sa mga pulis nga ni responde sa maong panghitabo.
Padayon pa gihapon karon ang pagpahigayon ug imbistigasyon sa kapulisan sa Siocon may kalabutan sa maong panghitabo aron masayran kun unsay nagpaluyong motibo sa maong pagpanigbas ngadto sa iyang igsuong babaye.
