General Santos City— Pormal ng gipasakaan ug kaso ang tulo nga mga suspek sa pagpanglabay ug granada sa highway nga bahin sa Villa Garde, Tacurong milabay’ng Disyembre 31 nga gikamatay sa duha ka tao ug pagka-angol sa laing 16.
Sumala kang Police Superintendent John Patrick Aggabao, hepe sa Tacurong PNP nga kasamtangan ng naka-detain sa provincial jail ang mga suspek nga nailang sila sila si Nasser Saban Maumol, Rahid Fasan Abdullah ug Nasrula Udsa Maumol.
Kasong murder ug frustrated murder ang gi-atubang sa mga suspetsado kung asa ang tulo matud pa maoy na-identify sa mga testigo kung asa lakip usab sila sa mga nasamdan.
Dugang pamahayag ni Superintendnet Aggabao nga sa karon padayon pa nilang gina-suta ang ilahanan sa mga kaubanan sa mga suspek dihang gihimo ang krimen.
Pagpaklaro niini nga dili terorismo ang gilahang gitan-aw nga motibo sa maong panghitabo kundili away sa babaye. Migawas sa imbestigasyon sa kapulisan nga adunay nakalalis ang mga suspek sulod sa maong vodeoke bar gumikan sa babaye.
Nasuko matud pa ang mga suspek human nga walay maka-table nga babaye tungod nag-inusara lang ang nagserbisyo niadtong panahuna.
