Suma pa sa report sa ni Kasamang Paul Lauro sa DYHP 612, kompirmadong patay ang usa ka estudyante human milayat gikan sa 7th floor sa ACT Building sa may downtown ning siyudad. Mao pud ni ang facebook post sa sikat nga page nga Cebu Flash Report. Ug sa akoa pud nga pakighinabi sa usa sa mga studyante sa maong university, akoang nahibaw-an nga naa kuno ni problema sa lovelife.
Suma pa sa usa ka 4th year college student sa Asian College of Technology (ACT) nga akoang na-interview nga magpatago lang sa iya pangan, “Kanang katong babaye kay dili daw ganahan ang family sa iyang uyab nga lalaki ngadto niya. Murag nalain guro to o depressed. Unya niadto daw ang babaye sa c.r. sa 7th floor then nanglock siya. Unya mao to ni layat dayon siya. Nakadungog nalang me og paka na kusog kaayo sa ubos. Naay mga working students sa ground floor nga naay gi-ayo didto. Didto daw dapit nila nitugpa ang babaye nga dugoan ang iyang ulo unya nagbuwabuwa ang baba daw.”
Apan atoa pang hibaw-on ang detalye niining balita. Peru kompirmado nga patay ang maong babaye ug college student ni sa ACT sa may downtown campus.
