Babaye nagbigti, patay

Banga, Aklan – Uwa eon it kabuhi tag makit-an kaina it aga-aga rong sangka 64-anyos nga babaye matapos nga magbigti sa Brgy. Bacan, Banga, Aklan.
Suno kay PSSgt. Spencer Dela Cruz it Banga PNP nga pag-abot nanda sa area hay hapapanaog eot-a rong eawas it biktima ko anang mga igmanghod.
Pero basi sa andang pag-imbestiga natabo rong pag bigti it biktima sa likod nga parte it andang baeay kon sa siin naghigot raya it electrical cord sa anang li-og nga naka higot man sa puno it suwa.
Dugang pa ni Dela Cruz nga rayang biktima hay nakita man ko andang kaeapit kabii nga nagabud-bod it wiring pero uwa nanda gina eaumi nga raya ro anang himuon.
Nasayuran man nga rayang biktima hay may gina angkon nge depression ag nakataeana kunta nga pagadaehon makaron nga adlaw sa mental hospital sa Iloilo.
Para maduea man rong agam-agam nga basi may foul play sa kamatayon it biktima hay nakataeana man raya nga igapaidaeom sa post mortem examination.

Facebook Comments