South Cotabato — Sikop ang usa ka babaye nga matud pa high value target sa PDEA-12 atol sa gihimong Anti-Drug Operation sa Sto. Nino PNP ug PDEA-12 sa Purok Tagumpay, Barangay Ambalgan, Sto. Niño, South Cotabato.
Giila ang suispek nga si Johanna Ambalgan Sasa, 33, residente sa maong lugar.
Nakuha sa posisyon sa suspek ang tulo ka sachet sa gituohang shabu.
Una nang nagpagula ug search warrant no. 146 si Honorable Judge Marlo C. Brasales, presiding judge sa MCTC Norala-Tboli ug Sto. Niño, Norala, South Cotabato.
Gikonsiderang High value target matud pa sa PDEA-12 ang nadakpang suspek. Sa kasamtangan anaa na sa kostudiya sa Sto. NiñoMunicipal Police Station ang suspetsado ug takda na kining pasakaan ug kasong kalapasan sa Republic Act 9165.
