Babaye nga nagbisita sa prisohan ginluthang patay

34

BACOLOD CITY – Patay ang isa ka babaye matapos ginluthang sang riding in tandem sa kilid sang Bacolod City BJMP, pila lang ka tikang halin sa main gate sang Bacolod City Police Office.

Ang biktima ang ginkilala kay Ashly Kate Gonzaga , 24 anyos residente sang Helvetia Heights , Barangay Estefania, Bacolod City.


Nahibaluan nga pasado las 3 sang hapon Agosto 18 ang biktima ang nagduaw sa iya napriso nga bana sa BJMP sa Barangay Taculing, apang pagguwa sini sa gate sang BCPO kag nagabantay sang masakyan hinali lamang ini nga ginluthang gamit ang kalibre 45 nga pistola nga gintunaan sang iya kamatayon.

Suno sa traysikad driver nga nakakita sang krimen nga gilayon nagpalagyo ang mga suspetsado sa direksyon sang Magsaysay Street.

Ang bangkay sang biktima ang gindala sa Nalagon Funeral Homes samtang padayon naman ang imbestigasyon sang Scene of the Crime Operatives ukon SOCO kag sang mga kapulisan sang PS6 kon ano ang motibo sang insidente.

[image: image.png]

Facebook Comments

From Advertisers