Nadakpan sa kapolisan ang usa ka babaye nga nag-atubang ug kapin sa 30 ka ihap sa kasong estafa ug syndicated estafa .
Ang nadakpan mao si Maria Victoria Torralba , 36 anyos taga Sitio Happy Valley sa Barangay West Poblacion sa dakbayan sa Naga .
Daghan ang nireklamo ni Torralba nga nangilad kanila ug gidagan ang ilang minilyon ka pesos nga kwarta .
Giingong gitanyagan sila ni Torralba nga mo-invest ug kuwarta aron gamiton sa pagpamalit sa nakompiskar nga smuggled nga bugas sa Bureau of Customs ug ibaligya kini sa dakung kompaniya dinhi sa Sugbu ug dinhi sila mokita.
Gibana-bana nga moabot ug P60 milyon ang nakuha ni Torralba sa mga biktima nga daghan kanila nga magtutudlo , engineer ug mga OFW`s nga namasin nga motubo ang ilang kuwarta.
Matud ni Torralba wa siya mangilad sa mga investors apan nalugi lang ang ilang gisudlan nga investment ug nisaad nga iuli ang ilang mga kuwarta.
