BACOLOD CITY – Nadakpan sang isa ka lalaki ang isa ka babayi sa akto nga ginakuot ang iya bulsa kag ginakawat na ang iya cellphone kahapon sa dalan Rosario, Brgy. 15, Bacolod City.
Ang tag-reklamo ginkilala kay Loreto Genzola Jr., 23 anyos, residente sang Purok Amor, Brgy. Villamonte, ciudad sang Bacolod.
Nakilala naman ang suspek nga Reyan Padilla, 20 anyos, pumuluyo sang Brgy. Banago, Bacolod City.
Suno sa biktima nga iya na-notisyahan nga yara sa sulod sang iya bulsa ang kamot sang suspek kag sang iya ginlantaw, wala na ang iya cellphone nga nagabalor sang P10 mil pesos.
Madasig nga nagpalagyo ang suspek apang ini siya ang nadakpan matapos ginlagas sang pakaisa sang biktima.
Sa karon detained na sa custodial facility sang Police Station 1 ang suspek./dyHB BACOLOD
