NEGROS OCCIDENTAL – Ginkilala ang probinsya sang Negros Occidental bilang Performing Province in WesternVisayas sa 2018 Search for Excellence in Local Governance Awards sang Department of Interior and Local Government (DILG).
Ang 2018 Pagdayaw ukon Excell Awards ang tuigan nga event sang DILG nga nagahatag naman sang recognition sa performance sang mga local government units sa bilog nga Region 6.
Kalakip sa gin-basehan amo ang Administrative Governance, Social Governance, Economic Governance, Environmental Governance kag Local Legislation.
Nakuha man sang Negros Occidental ang mga special awards kaangay sang Excellence in Economic Governance, Excellence in Environmental Governance, kag second runner up naman sa Excellence in Local Legislation.
Nagpangaduwa sa Negros amo ang probinsya sang Capiz samtang ikatatlo ang probinsya sang Antique./Photo courtesy of Karen Dinsay – PIO Negros Occidental
