BABAYE PATAY, HUBEAS NGA NAGAEUTAW-EUTAW SA IRIGASYON

29

Kalibo, Aklan – Owa eon it kabuhi nga nagaeutaw-eutaw sa irigasyon nga sakop it barangay Mataphao,
New Washington, Aklan si Jennifer Zaulda 23, anyos residente man it nasambit nga lugar. Nakit-an ra
imaw nga hubeas mga bandang alas 6:00 It agahon Agosto 22, 2019.
Sa imbistigasyon nga ging patigayon it New Washington PNP nagaguwa nga halin sa birthday celebration
ni Mataphao Sangguniang Kabataan Chairman Kent Reynaldo ro biktima, kon siin ulihing hakita raya nga
buhi aga-aga eon it nasambit nga petsa kaibahan nga nagabagtas ro person of interest nga si Rockson
Roque residente man it barangay Mataphao.
Sa ging patigayon mat-a nga Scene of the Crime Investigation it SOCO Aklan, nakitaan it lastro sa dahi si
Jennifer Zaulda ag gasgas sa ibat-ibang parti ko anang eawas. Natapos eon man ro vaginal swabbing sa
biktima para determinahon kon baea raya pa hay hahimusean.
Hin-aga ro schedule it anang autopsy examination nga igapatigayon ni PMaj. Fuentes it Regional Crime
Laboratory Office 6 para hibaeuon it husto ro ging dahilan ko pagkamatay it biktima.
Sa kostudiya mat-a makaron it New Washington PNP ro person of interest nga si Rockson Roque.

Facebook Comments

From Advertisers