Davao City – Gibalhog na sa Malalag Municipal Police Station (MPS) ang usa ka babaye nga nadakpan sa kasong adultery, atol sa gipahigayon nga Manhunt Charlie Operation ug Regional Simultaneous Anti- Criminality Law Enforcement Operation.
Sa report sa Malalag MPS, ang suspek mao si alyas Maria, 41 anyos, caretaker, minyo ug residente sa Purok 2, Barangay Caputian, Malalag, Davao Del Sur.
Gisilbi ang warrant of arrest sa mismong gitrabahoan sa suspek sa Sitio Baras, Kapatagan, Digos City niadtong Mayo 25, 2023, diin kini giisyu ni Presiding Judge Kristine Jane Basuga Pague, Municipal Trial Court in Cities, 11th Judicial Region, Branch 1, Davao City.
Ang kaso adunay girekomendang pyansa nga P36,000.
Padayon ang panawagan sa awtoridad nga likayan ang pakalambigit sa iligal nga aktibidad aron dili muresulta sa pagkabalhog sa prisohan ug pag-atubang og kaso.
RadyoMaN Kirby Manzon
Facebook Comments
