Sa interbyu sa DXDC RMN Davao, gipadayag ni Garcia nga mipasaka na siya og kasong attempted murder batok sa suspek nga si Ronie Malngan Calatao, 47 anyos, lumad nga taga Brgy. Talagotong, Don Marcelino, Davao Occidental.
Iyang giklaro nga dili tinuod ang pasangil nga nagbinuntagay og inom sila sa suspek. Sumala pa, natulog na siya uban sa iyang anak sa dihang kalit nga misulod ang suspek ug gidunggab siya sa makadaghan higayon. Tungod niini, nakadawat siya og walo ka samad dinunggaban—upat sa tiyan ug tulo sa wala nga bukton.
Nanawagan usab si Garcia sa suspek nga mosurender ug itugyan na ang iyang kaugalingon sa otoridad.
Dugang pa niya, tulo na ka bulan silang buwag sa suspek ug nagpirmahanay na sila sa barangay isip pormal nga pagpamatuod sa ilang pagbulag.
RadyoMan Don Pulayao
