Davao City – Nasikop sa otoridad ang usa ka babaeng gikonsiderang high-value target kinsa nakuhaan og gituohang marijuana sa Barangay Mayo, Mati City, Davao Oriental alas 12:25 sa kadlawun niadtong adlawng Biyernes, Mayo 25.
Sa report gikan sa Police Regional Office kun PRO XI, naglusad og buy bust operation ang kapulisan sa Mati ug mga personahe sa Philippine Drug Enforcement Agency kun PDEA XI ug nasikop ang giilang si Josephine Malintad nga nakuhaan og kapin kun kulang 5,000 grams sa gituohang marijuana nga mukantidad og 600,000 pesos.
Dugang niini, padayon pang ginapangita ang kauban sa suspek nga si Esmadi Malintad kinsa nakaikyas sa gihimong operasyon.
Balhug na sa prisuhan ang dinakpan ug pasakahan og kasong RA 9165 kun Comprehensive Dangerous Drugs Act of 2002.
RadyoMaN Renz Barbarona
