Babayeng kay kasong frustrated murder, sikop

General Santos City—sikop ang usa ka babayeng dunay kasong murder atol sa gihimong operasyon sa Intelligence Division Management Branch (IDMB) sa area sa Bulaong Extn., Barangay Labangal Gensan.

Giila ang suspek nga si Frecila Ramos, legal age, residenti sa samang lugar. Alas 5:50 ang takna sa hapon kagahapong adlawa, Dominggo, May 14, 2017 dihang gihimo sa IDMB ang operasyon sa panimalay sa nahisgutan pinasikad sa warrant of arrest sa kasong iyang giatubang nga una nang gi-isyu ni Hon Judge Lorna Avila sa RTC-branch 36, 11th Judicial Region.

Wala na mipalag pa ang suspek sanglit buluntaryo nalang kining miuban sa kapulisan human nga gipresentar ngadto kaniya ang warrant sa kasong iyang giatubang.


Ang suspek sa kasamtangan nabalhog sa silda sa Makar Police Station, samtang gihuwat nalang ang commitment order aron nga siya mabalhin na sa Gensan City Jail, apan posibli kining makagawas ug prisohan higayon nga makapyansa ug kantidad P200,000.00.

Facebook Comments