General Santos City—anaa na karon sa kustudiya sa kapulisan ang usa ka babayeng may warrant of Arrest sa kasong Qualified Theft human nga nasikop ang nasnagpit sa gihimong operasyon sa tropa sa Malungon Municipal Police Station niadtong nakalabayng adlaw.
Suspek giilang si Melchora Aparente, 50, empleyado sa Dole Philippines ug residenti sa Purok 2, Barangay Atlae, Malungon Sarangani Province.
Nasayran nga buluntaryo nalang nga miuban sa kapulisan ang maong ginang human nga gipresentar ngadto kaniya ang warrant of Arrest sa kasong Qualified Theft nga iyang giatubang nga una nang gipagula ni Hon. Judge Oscar Noel Jr.
Sa karon commitment Order nalang ang gihuwat sa kapulisan aron nga mabalhin na kini sa Sarangani Provincial Capitol apan mamahimo niining maangkon ang temporary niining kagawasan higayon nga siya makapyansa ug kantidad P20,000.00.
