Babayeng nakaplagang may samad pinusilan sa Polomolok, nailhan na

21

General Santos City—Nailhan na ang babayeng biktima kansa nakaplagang patay sa may Field 304-A-1, Purok 2, Barangay Langkaliaf, Polomolok, South Cotabato kagahapong adlawa.

Giila ni Police Lt. Col. Marvin Dua-dua, hepe sa Polomolok PNP ang biktima nga si Bonifacia Dela Calzada, 41 anyos nga taga, Barangay Calumpang, Gensan.


Matud ni Police Lt. Col. Dua-dua nga una nang nahidangat ang mga kabanay sa biktima ngadto na sa ilang buhatan ug positibong giila ang biktima.

Basi sa ilang pakighinabi ngadto sa pamilya, ayha pa nakaplagang patay ang biktima, dunay gibisita ang nasampit nga usa ka preso sa GenSan City Reformatory Center, apan wala na makauli sa ilang panimalay.
Kini karon ang ginasubay sa kapulisan kung asa ilang ginaimbistigahan kung kinsay nakauban sa nasampit human niining mibisita sa GenSan Reformatory Center.

Nasayran nga adunay ubay-ubayng samad pinusilan ang biktima sa nagkandaiyang parti sa iyang kalawasan dihang siya nakaplagang nagluy-on sa pinyahan sa maong lugar.

Sa karon ang kapulisan sa Polomolok, naghimo na ug makuting imbistigasyon kalabutan sa maong insidenti.

Facebook Comments

From Advertisers